Tongan

To assist people from multicultural communities, important information is available in a number of languages.

Tongan

Talateu:

Ko e State Emergency Service (SES) (Tu’u ‘a e Sevesi Fakafokifā) ko e kautaha ngāue ‘ofa tenau ala tokoni’i koe ‘i ha hoko mai ha tāfea pē afā fakafokifā. ‘Oku ‘ikai ke fiema’u ke ke totongi ki he ngāue pē sevesi ko eni´.

Kapau te ke telefoni ki he 132 500 mei ho’o telefoni, ‘e ‘alu atu ‘a e kau ngāue ‘ofa mei he SES ki ho ‘api nofo’anga, ‘okapau na’e tāfea pe maumau ‘i he tō mai ’a e matangi´.  ‘Oku malava pē ke ke kole ha tokotaha fakatonulea.  Ko e kau ngāue ‘ofa ‘a e SES ‘oku nau tui ma’u pē ‘a e teunga ngāue lanu moli. ‘Oku nau taukei ngāue mo mateuteu ki ha hoko mai ha me’a fakafokifā.

Kataki ‘o sio ki he ngaahi fakamatahala ‘oku hā ‘i lalo fekau’aki mo e mateuteu ho famili´ pea mo ho ‘api nofo’anga ki ha hok mai ha tāfea pe ha afā.

Kapau ‘oku ‘ikai mahino kiate koe ‘a e fakamatala ni, ‘eke ki hao famili pe kaungā’api

Ngaahi fekau

Ko e me’a ‘e hoko fakafokifā ‘e ala hoko pe ia ‘i ha fa’ahinga taimi pē ha fa’ahinga feitu’u pe.

‘I ho’o mateuteu ki ha me’a ‘e hoko fakafokifā, ‘e si’isi’i ange ai ‘a e me’a ‘e uesia, pea vave ange ai ho’o fakaakeake mai´.

‘Oku mau fiema’u ke fakapapau’i ko e kakai ‘o Vikatolia ‘oku nau mateueu pea nau ‘ilo’i ‘a e me’a ke fai´ ‘i ha hoko ha fakatamaki mei he afā pe tāfea ‘o ofi kiate kinautolu.

Kapau ‘oku ke fiema’u ha tokotaha fakatonulea ke tokoni fekau’aki mo e ngaahi fakamatala fakafokifā, telefoni ki he Kautaha Fakatonulea ‘I he 131 450 (telefoni ta’e totongi) ‘o kole kiate kinautolu kenau telefoni ki he VicEmergency Hotline (1800 226 226).

Kapau ‘oku ke ‘ilo’i ha taha ‘oku ‘ikai ke lava ‘o lea fakapapalangi, kataki ‘o ‘oange ‘a e fika ko ena ‘oku hā atu´.

Pea ke mātu’aki tokanga foki hili ‘a e me’a hoko fakafokifā, he ‘oku kei ‘i he tu’unga fakatu’utamaki pe.

‘E ‘ikai ke malu kiate koe ke ke foki ki ho ‘api nofo’anga´ pe ko ho’o ngaue’anga´.

Tauhi ma’u pe fetu’utaki – vakai’i ‘a e fakatokanga afā pea mo e tāfea´ ’i he VicEmergency hotline (1800 226 226) pe ko e VicEmergency website – https://www.emergency.vic.gov.au/respond/

Ngaahi me’a mahino fekau’aki mo e Afā:

Ko e afā ‘e ala hoko pe ia ‘i ha fa’ahinga feitu’u ha fa’ahinga taimi pe.

‘E hoko mai ‘a e ngaahi havili malohi, tāfea, ‘uha maka lalahi pea mo e mana fatulisi foki.

Te nau ala fakatupu ‘a e maumau lahi pea ‘e hoko aipe ‘o ngali na’a hoko atu ha fakatu’utamaki.

Kapau ‘oku ke fiema’u tokoni mei ha tokotaha fakatonulea ke tokoni atu mo e ngaahi fakamatala fekau’aki mo e ngaahi me’a fakafokifa ‘e hoko, telefoni leva ki he Kautaha Fakatonulea he fika 131 450 (freecall) pea kole ange ke nau telefoni ki he VicEmergency Hotline (1800 226 226).

Palani leva ‘a e me’a te ke fai pea mo e me’a te ke ‘alu moia he taimi ‘oku fai ai ‘a e fetukutuku´

Fekumi leva ‘i he kupengaope ‘a e VICSES website – www.ses.vic.gov.au ki he anga ho’o teuteu’i ho ‘api nofo’anga/feitu’u ngaue’anga, pea mo e me’a ke fai lolotonga ‘a e afā´.