Sudanese - www-new

To assist people from multicultural communities, important information is available in a number of languages.

Sudanese

المقدمة

The State Emergency Services  أو خدمة الطوارئ الحكومية (SES) هي منظمة تطوعية تجدر تساعدك في حالة طوارئ الفيضانات أو العواصف. ما لازم تدفع جروش عشان الخدمة دي.

إزا اتصلت على 132500 من تلفونك ، حيجوك المتطوعين من SES لبيتك إذا غمرته المويه أو اتضرر بسبة العواصف. ممكن كمان تطلب مترجم. متطوعين SES بيلبسوا دايمًا هدوم برتقالية. هما ناس عندها خبرة في التعامل مع حالات طوارئ الفيضانات والعواصف

رجاءا تشوف الكلام الجاي لمعلومات زيادة عن كيف تجهز عيلتك وبيتك للفيضانات والعواصف.

إزا مافهمت المعلومات دي ، ممكن تطلب المساعدة من زول من عيلتك، اصحابك أو جيرانك

رسايل عامة

الطوارئ ممكن في أي مكان وأي وكت

لما تكون مستعد لحالات الطوارئ ، تجدر تقلل تأثير الطوارئ وتتعافى بشكل أسرع بعد داك

عايزين نضمن ان كل سكان ولاية فيكتوريا مستعدين وعارفين اللازم يعملوه في حالة تأثر المناطق الجريبة منهم بالعواصف أو الفيضانات.

إزا كنت محتاج لمترجم فوري يساعدك في معلومات الطوارئ ، فاتصل بخدمة الترجمة التحريرية والشفهية على الرقم 131450 (مكالمة مجانية) واطلب منهم الاتصال بخط VicEmergency HotLine (1800226226).

إزا كنت تعرف زول ما بيتكلم الإنجليزي، اديه الرقم دا.

خلّي بالك ، الخطر ممكن يفضل بعد حالة الطوارئ.

الوضع ممكن مايكون امان عشان ترجع بيتك او شغلك

خليك على اطلاع - راقب تحذيرات العواصف والفيضانات من  hotline VicEmergency (180022622) أو على موقع VicEmergency وهو https://emergency.vic.gov.au/respond/

خاص بالعاصفة

العواصف ممكن تحصل في أي مكان وأي وكت

العواصف ممكن تجيب معاها الرياح القوية والفيضانات السريعة وكرات البَرَد الكبيرة والبرق.

العواصف ممكن تسبب أضرار كبيرة وتعرض حياتك للخطر.

إزا كنت محتاج مترجم فوري للمساعدة في معلومات الطوارئ ، فاتصل بخدمة الترجمة التحريرية والشفهية على الرقم 131450 (مكالمة مجانية) واطلب منهم الاتصال بخط VicEmergency Hot Line (1800226226).

خطط للي حتعملوا والحاجات اللي حتاخدها معاك ، وإزا كان لازم تخلي وتسيب المكان.

عشان تعرف كيف تجهز بيتك و / أو مكان شغلك، وشنو لازم تعمل في العاصفة في موقع VICSES  www2.test.ses.vic.gov.au