Sudanese

To assist people from multicultural communities, important information is available in a number of languages.

Sudanese

 Sudanese Arabic | العربية السودان

خدمة طوارئ الولاية (SES) هي منظمة تطوعية ممكن تساعدك في حالات طوارئ الفيضانات أو العواصف، وإنت ما محتاج تدفع قروش عشان الخدمة دي.

إذا إنت اتصلت بالرقم 500 132 من تلفونك، المتطوعين التابعين لخدمة الطوارئ دي حيجوك في البيت لو كان بيتك إتعرض لي فيضانات أو دمرته العواصف. إنت ممكن برضو تطلب مترجم. المتطوعين التابعين للمنظمة دي هم دايمًا بلبسو هدوم برتقالية، وهم عندهم خبرة كبيرة في التعامل مع حالات طوارئ الفيضانات والعواصف.

رجاء شوف الكلام التحت ده بخصوص معلومات إضافية عن أنو كيف تقدر تجهز أسرتك وبيتك للفيضانات والعواصف.

إذا ما قدرت تفهم المعلومات دي، ممكن تسأل واحد من ناس بيتكم أو صديق ليك أو واحد من جيرانك عشان

يساعدك.

رسايل عامة

حالات الطوارئ ممكن تحصل في أي مكان وفي أي وقت.

لما تكون مستعد لحالات الطوارئ، إنت ممكن تقلل من تأثيراتها وتتعافى بطريقة أسرع بعد داك.

نحن دايرين نتأكد إنو كل سكان ولاية فكتوريا مستعدين وعارفين نفسهم حيعملوا شنو في حالة إنو المناطق القريبة منهم إتعرضت لعواصف أو فيضانات.

إذا كنت محتاج لمترجم شفهي عشان يساعدك بخصوص معلومات الطوارئ، ممكن تتصل بخدمة الترجمة التحريرية والشفهية على الرقم 450 131 (رقم مجاني) وأطلب منهم الإتصال على الخط الساخن VicEmergency Hotline

( 226 226 1800).

إذا كنت بتعرف زول معين ما بعرف إنجليزي، ممكن تديهو الرقم ده.

أعمل حسابك بعد حالة الطوارئ لأنو الخطر ممكن يفضل لسة.

الوضع ممكن يكون ما آمن عشان إنت تقدر ترجع لي بيتك أو مكان شغلك.

خليك مراقب الحاصل- راقب تحذيرات العواصف والفيضانات الصادرة من VicEmergency hotline (1800 226 226 ) أو من موقع VicEmergency

https://emergency.vic.gov.au/respond

خاص بالعواصف

العواصف ممكن تحصل في أي مكان وفي أي وقت.

وممكن العواصف تجيب معاها الرياح الشديدة والفيضانات المفاجئة وحجارة البرد الكبيرة والبرق.

العواصف ممكن تسبب ليك أضرار كبيرة وتعرض حياتك للخطر.

إذا كنت محتاج لمترجم شفهي عشان يساعدك بخصوص معلومات الطوارئ، ممكن تتصل بخدمة الترجمة التحريرية والشفهية على الرقم 450 131 (رقم مجاني) وأطلب منهم الإتصال على الخط الساخن VicEmergency Hotline .(1800 226 226)

إذا كان لازم تسيب المكان، خطط لي إنك حتعمل شنو وحتشيل معاك شنو.

ممكن تعرف معلومات بخصوص كيف إنك تقدر تجهز بيتك و/أو مكان شغلك، والحاجات المفروض تعملها أثناء العاصفة على موقع VICSES الإلكتروني: www.ses.vic.gov.au