Laiholh

Hakha Chin | Laiholh

Pine Lakhruak thilcang Riantuanpiaknak (State Emergency Service (SES)) cu lakhruak in a cangmi tilian asilole totho lakah an bawm kho tu dingmi zaanghleicawi bu pakhat a si. Hi riantuanpiaknak caah tangka na pek a hau lo.

Ti a lianh asilole totho nih a hrawh i na telifon in 132 500 kha na chawnh ahcun, SES in zaanghleicawi riantuantu pawl nih nan inn ah an ra lai. Holhlettu na hal khawh fawn. SES zaanghleicawi riantuantu pawl cu theithu rong thilthuam an i hruk peng. Lakhruak in a cangmi tilian le totho lehnak ah hmuhtonnak a ngeimi an si.

Tilianh le totho pawl caah nan innchung le nan inn na timhtuah khawh ning kong tamdeuh kha a tang ah zaangahnak in zoh.

Hi kong hi naa fian lo ahcun, innchungkhar chungtel, hawikom asilole innpa chakthlang kha bawmh hal.

A tlangpi in langhtermi bia pawl

Lakhruak thilcang pawl cu khoika hmun, zeitik caan poah ah an cang kho.

Lakhruak thilcang pawl caah timhtuahnak in, lakhruk thilcang nih a hnorsuanmi na zorter khawh i rang deuh in na thatter than khawh.

Victoria i a ummi minung dihlak cu timhcia in a ummi le totho asilole tilian pawl nih a hnorsuanmi hmun pawngkam i um tikah tuah ding a hngalbakmi si kan in duhpiak hna.

Lakhruak thilcang kong ah bawmh dingin holhlettu na herh ahcun, Calehnak le Holhlehnak lei Riantuanpiaknak kha 131 450 (manlo in) ah chawn law VicEmergency Hotline (1800 226 226) chawnpiak dingin fial hna.

Mirangholh a thiamlomi minung pakhat khat na hngalhmi hna an um ahcun, hi nambar hi pe hna.

Tihnunnak a um khawh rih bantukin, lakhruak thilcang hnu ah zohkhenh.

Nan inn asilole rianhmun ah kal than dingin nangmah caah a him lo kho men.

Thawngthanhmi theih buin um - VicEmergency hotline (1800 226 226) asilole VicEmergency website: emergency.vic.gov.au/respond/ hmangin thlichia le tilian lei ralrin peknak pawl kha zohfel.

Totho kong Dikthlir

Totho pawl cu khoika hmun le zeitik caan paoh ah an cang kho.

A thawngmi thli, ruahlo piin tilianhnak, rial nganpipi tlaknak le tek tlaknak an rat pi khawh.

Rawhnak nganpi an chuahpi khawh i na nunnak kha tihnung dirhmun ah an chiah khawh.

Lakhruak thilcang kong ah bawmh dingin holhlettu na herh ahcun, Calehnak le Holhlehnak lei Riantuanpiaknak kha 131 450 (manlo in) ah chawn law VicEmergency Hotline (1800 226 226) chawnpiak dingin fial hna.

Na tuah dingmi caah timlamhnak ngei law zaam na herh ahcun i put pah hna.

Toth olio ah nan inn le/asilole rianhmun timhtuah ning kha VICSES website ah kawl – www.ses.vic.gov.au